GBKP RUNGGUN TAMBUN

Kerja Rani emekap sada bentuk kegiatan Budaya ibas kita mereken sada Persembahen man Tuhan, guna banci kita nehken pengataken bujurta ibas kita nggo ngaloken pasu-pasu ibas kerina pendahin siibereken Dibata man banta bagepe sada pengakuan bahwa Dibata simerekan berkat melalui pendahin ras usaha-nta.

Inti ibas Kerja Rani emekap uga kita beluh ngegejabken Kemuliaan Dibata sebagai sumber anugerah ras berkat bagepe ndalanken kebenaren Iman, keadilen ras Kasih man sesama-nta. Ibas gereja GBKP , Kerja Rani emekap sada kegiatan si enggo iagendaken rutin setiap tahun, i jenda iajuk me ngawan ni perpulengen mereken persembahen kerja rani si enggo idiskusiken i tengah jabu janah pe itotoken, maka ibas paksa wari singgo itentuken GBKP Tambun erbahan kerja rani, ije me ipersembahken ulih kerja ranita. Tentu sura-surata ulih kerja rani simejilena sipersembahken man Tuhan Dibata.

Alu keriahen ukur ras kesadaren bahwa tiap tahun Tuhan tetap memberkati, mereken kelimpahen ibas hasil usaha ras pendahinta, sehingga la pernah kita kekurangen. Emaka sipersada arihta kerina guna banci tep- tep keluarga muat bagin ibas Kerja Rani GBKP Tambun ibas tahun 2023 enda, alu maba persembahenta sebagai “Pungo si pemena” termasuk pe man anak Permata si-enggo erdahin (enggo rani).